羅漢果

羅漢果

踏入嚴冬，天氣乾燥，喉嚨乾涸、兩聲乾咳情況很常見。小小羅漢果煮甜品糖水功效大。但中醫話寒底人就並不宜飲用，隨時愈飲愈咳。羅漢果不宜虛寒性咳嗽

羅漢果可以清熱潤肺這一點毋庸置疑，中醫關之義簡而言之：「羅漢果可以解熱氣同潤肺，並有化痰止咳功效。」其本身無毒，適合秋冬乾燥天氣飲用。不過，並非人人適合，關提醒：「尤其是身體肺氣虛弱（有神無氣、中氣不足、經常面青唇白），有虛寒性咳嗽（咳時無痰或痰量少，咳聲高亢），飲咗就更加嚴重，最好先請教中醫師。」中醫歐卓榮補充：「因為羅漢果性質偏涼，體質係涼底嘅，飲完之後有機會咳得更加犀利，或者本身容易肚屙頭暈，飲完都有機會更加嚴重。」

若果是普通或是燥熱體質，其實可以視作一般果茶，歐指羅漢果通常有幾種處理方法：「有時可以加雪梨或者蘋果一齊煲，可以清熱潤肺，但係偏涼，唔係個個啱飲。有人會就咁整碎個羅漢果焗水，但我會建議煲比較好，因為焗水嘅溫度，未必殺得死果實裡面可能有嘅細菌。」

新鮮羅漢果　太寒涼

大型超市或街市生果檔偶爾會售賣新鮮羅漢果，但中醫傾向用經焙乾或曬乾的羅漢果，甚少用新鮮的，歐卓榮指兩者應沒有太大分別，新鮮果實類應該比較偏潤，但因羅漢果本性涼，所以焙乾後其實可減低涼性，關之義亦認為：「新鮮羅漢果就咁當生果食就唔係太好，怕太涼。羅漢果一般用來煲湯比較好，更加容易出味，藥效更好。」

凌子卉刊於11.11.2016.

凌子卉刊於11.11.2016.